100- Vjetori

Nga Gentjan LAMI, Me 25.11.2012 Izmir/Turqi

Me 28 nëntor

Flamuri u ngrit në Vlorë

Një flamur i shqiptarisë

Që më gjak e kemi qëndisë

Ç’janë këto tupana e çifteli?

A po ka dasëm nëna Shqipëri?

Thonë po feston 100-vjetor

Ashtu e shkretme,e vetme e gjorë.

Po si mundet nëna me vallzu?

Kur bijtë e saj i ka t’nënshtru?

A mos s’po do nëna bijt e vet?

Që i ka jashtë pragut e si thërret?

Si me na ba zemra me festu

Për sa kohë s’jemi t’bashku

A s‘po don shqiptari shqiptarin

Apo ka harru zakon e t’parit?

Kqyr shqiptari mbi flamur

Pret prej tij ndonje ogur.

Pret shqiptarët ti bashkoje

Dhe veç një gjuhë të dëgjoje.

Pa Kosovë e Çamëri

Jemi si shpia pa çati

Shkupi e Ulqini pa u bashku

Zemra nanës s’mundet me gëzu

Pra shqiptar dita afroi

Këto troje kush do i bashkoi ?

Ka ardhë koha n’këmbë me u ngrit

Dhe një flamur kudo me valvit

Veç kështu lahet gjaku i t’parve

Se ky është haku i shqiptarve

Kundra Zotit mos me dalë

Se Shqipërinë një e ka falë!