Revista FJALA Organizoi në IZMIR të Turqisë Promovimin e Librit “Terrori i Serbisë Pushtuese mbi Shqiptarët 1844-1999”
të Prof. Dr. Nusret PLLANËS
Aktiviteti i katërt (pas
Ankarasë, Stambollit dhe Bursa’s) dhe i fundit në Izmir i prezantimit në Turqi të librit të autorit
akademik Shqiptar nga Kosova Prof. Dr. Nusret PLLANA.
Libri në fjalë është
“Terrori i Serbisë Pushtuese Mbi Shqiptarët 1844-1999” i cili u vlerësua nga
drejtuesi i aktivitet Sokol BRAHAJ si “shërbimi më i madh Shkencor për historinë e dy shekujve të fundit të
kombit shqiptar. Ku ky libër me dokumente të faktuara, ne si akademik dhe
politikanë të kombit shqiptar duhet marrim mësim nga e kaluara antinjerëzore
dhe etnocide që i është bërë kombit tonë dhe në bazë të saj të
ndërtojmë me strategji të ardhmen e Shqiptarëve në trojet tona etnike”. Z.
BRAHAJ i cili shtoi duke thënë se Profesor PLLANA në të gjitha punimet e tij ka
treguar realitetin e ndodhur duke e bazuar me fakte shkencore të cilat pranohet
edhe po vete nga serbët. Këto punime tashmë janë në 5 gjuhët më të rëndësishmet
të botës, ku shumë shpejt do të botohen dhe në disa gjuhë të tjera si Rusisht,
Arabisht, Kinezisht, Indisht. Këto botime të Profesor PLLANËS tashmë janë realitet dhe kanë marrë
rradhitjen dhe vendin e duhur në bibliotekat e shumë e shumë vendeve dhe
universiteteve prestigjoze nëpër botë dhe kërkohen nga kërkues, shkrimtarë,
politikanë, gazetarë, dhe në veçanti nga mijëra pedagogë të departamenteve të
historise, marrëdhënive ndërkombetare, juridike, sociologjike, politike,
teologjike etj.
Drejtuesi i aktivitetit
akademik dhe eksperti për politikat e
rajonit të Europës Juglindore po në të njëjten kohë dhe kolegu
ynë (gazetar-shkrimtar) z. Sokol BRAHAJ shprehu falenderimet për Profesor PLLANËN i cili e mbajti fjalën dhe erdhi në qendër të Izmirit për këtë prezantim dhe tha “është nderë e krenari për mua që
në një sallë me qindra pjesëmarrës tjua prezantoj Profesor PLLANËN dhe veprat e tija. Që pesë vite i
pritur nga bashkëkombësit tanë këtu në İzmir, më në fund me organizimin e
“Revistës Mujore Mbarkombëtare FJALA” dhe ndihmën e dhënë nga “Restaurant TEUTA” u arrit që Profesor Dokor Nusret PLLANA të jetë sot
pranë intelektualeve të të gjitha
trevave shqiptare bashkëkombës tonë këtu në Izmir, gjithashtu dhe miq e
dashamirës akademikë e
politikanë Turq.
Në Izmir aktiviteti u
realizua në datën 12 Qershor 2012 në orën 18:00-20:30 në sallën e shoqatës së shqiptarve të İzmirit Kosova-rumeli (e cila është një ndër
OJQ’të më të vjetra) në Izmir. Në aktivitet morën pjesë ish-deputetë me origjinë shqiptare Dr.
Muharrem Topraku, disa kolonelë ushtarakë në pencion, akademikë nga 7
universitete të Izmirit, kryetar bashkishë dhe zëvendësit e tyre, përfaqësues
të shoqërisë civile, shumë drejtues të
OJQ’ve, ekipi i REVISTA FJALA, gazetar nga RTK’ja, TRT, TekRumeli, Balkan Haber
Ajansı, Balkan Günlüğü, Yeni Asır etj, i gjithë stafi drejtues i shoqatës
Kosova-Rumeli, drejtues dhe anëtarë të federatës së shoqateve ballkanike po dhe
studentë nga të gjitha trevat shqiptare që studjojnë në këtë qytet etj.
Aktiviteti filloi me filmin
dokumentar përkatës të Profesor PLLANËS i cili
rikujtoi dhe njëherë ato veprat anti-njerezore të serbëve që kanë ushturar me shekuj ndaj kombit shqiptar. Gjë
interesante ishte se shumë nga të
pranishmit në salle që e kishin përjetuar terrorin
serb në vatrat e tyre. Gjatë dokumentarit mallkuan BE’në e cila sipas tyre ishte vetë forca kryesore deportuese në Ballkan e cila nuk i pengoi por i la të lirë kafshët e Millosheviçit të bëjnë çdo gjë që nuk është njerëzore mbi kombin shqiptar në
trevat e tyre. Por më në fund falë Zotit dhe ndihmës së miqësisë Amerikane dhe disa aleatëve
të saj ku ndër ta është dhe Turqia e cila i
dha fund njëherë e përgjithmonë këtyre gjakpirësve vampirë të sëmurë mu në mesin e Europës.
Pas filmit
dokumentar e merr fjalën kryetari i shoqatës Kosova-rumeli shqiptari i lindur
në Izmir z. Ibrahim Shengëzi ku shprehi kënaqesinë për këtë aktivitet i cili po zhvillohet në sallën e shoqatës shqiptare në Izmir. Z. Ibrahim Shengëzi u prezantoi pjesmarrësve jetën dhe aktivitetet e Profesor PLLANËS,
me në fund u ndal duke folur për ajken e këtij libri i cili tha që z.
Profesori po na sjell parasyve të
djeshmen që të marrim mësim e mos ta harrojmë, por në asnjë mënyrë pa menduar
rovanshizmin por në bazë të së djeshmës të dimë dhe vuajtjet antinjerëzore dhe gjenocidet periodike të fqinjëve që i kanë bërë kombit tonë. Z.
Ibrahim Shengëzi në fund të fjalimit tha që filmimet që pamë pak përpara janë jetuar dje dhe jo para
5 shekujve. Ka detyrë për të gjithë opinionin ndërkombetar që mos të lejojë më një
gjë të tillë as kundër shqiptarëve as dhe kundër ndonjë kombi tjetër në botë.
Pas tij e merr fjalën drejtuesi i aktivitetit z. Sokol BRAHAJ i
cili përgëzoi Z. Prof. Dr. Nuret PLLANËN për këtë punë të madhe akademike që ka bërë për hirë të së vërtetës e për të mirën e
kombit shqiptar. Punimi përcjell një mesazh shumë të fuqishëm por dhe aq të
thjeshtë. E vë nën dizpozicion të ndërgjegjjes botërore realitetin e ndodhur me
kombin shqiptar duke u bazuar në fakte shkencore.
Z. BRAHAJ duke bërë një përmbledhje të librit
ndër të tjera tha; duhet ta kuptojmë mirë se synimi i serbëve, që nga viti 1844 e deri te vitin 1999 ka
qenë dhe ngelet gjithnjë i njejtë, ende sot në përgjithësi ata nuk mendojnë se si
të jetojmë së bashku me shqiptarët në Kosovë, por si e çfarë
duhet të bëjmë që ti shfarosim shqiptarët nga trojet e tyre etnike. Masakrat
në Kosovë janë bërë që dy shekuj dhe kanë siguruar ekuilibrin e shqiptarëve me
popullsinë e ardhur sllave në
trojet tona etnike. Gjatë kësaj kohë janë larguar nga trojet e tyre etnike për
jashtë vendit mijëra e miliona
shqiptarë. E kaluara jonë me të vertetë ka qënë shumë e vështirë, është një e
kaluar që nuk mund ta harrojmë.
Por ne shqiptarët sjemi komb për rovanshizëm dhe sdo të ngelim kurrë pengu i së
kaluarës. Tani e tutje mos të mbetemi vetem me përkujtimin
e të kaluarës, por të marrim mësim nga këto tragjedi gjenociduale shekullore dhe të punojmë për një të
ardhme njerëzore dhe me vlera globale.
Ne këtë histori kemi, dhe këtë histori se ndryshojme
dot, por, tani e tutje duam drejtësi,
paqe, stabilitet dhe mirqënje e
bashkjetesë me gjithë kombet e Europës e të botës, aq më shumë dhe me fqinjët
tanë që me shekuj me rradhë e deri dje ushtruan terror e
gjenocid të vazhdueshëm ndaj kombit tonë.
Në vazhdim z. Sokol BRAHAJ theksoi që vetem në Izmir,
në këtë qytet të Turqisë sot jetojnë më shumë se 1.000.000 shqiptarë nga mbarë
trojet shqiptare të cilët janë të
integruar në shoqërinë turke. Europa këto gjëra duhet ti dijë mirë dhe
mos ti harrojë duke lëmoshur flokët
serbeve. Europa mos ti krijojë pengesa kombit shqiptar që të bëhet i fortë, të bashkohen nën një umbrellë të vetëm si komb, në një Shqipëri Etnike e cila kombi
shqiptar tashmë e quan “Shqipëria Natyrale”. Më pas z. BRAHAJ lexoji dhe mesazhin e deputetit turk me
origjinë shqiptare z. Rifat Sait i cili thoshte që kishte kënaqesi të ishte në
këtë aktivitet shkencor e mbarëshqiptar që po zhvilloni ne Izmir dhe po flitet
per vendët te cilet kanë lindur baballarët e mi, por nga axhenda e programuar
më parë nuk munda të jem sot me ju. Uroj Profesor PLLANËN për punën e tij te vlefshme dhe
përshendes të gjithë pjesmarrësit.
Autori i librit Prof. Dr. Nusret PLLANA filloi
fjalimin duke përshëndetur të
pranishmit, bashkëkombësit tanë, miq e dashamirët turq dhe falënderoi Turqinë
dhe popullin turk për mbështetjen dhe përkrahjen e vazhduesve që ka dhënë dhe
vazhdon ti japë Kosovës dhe mbarë kombit shqiptar. Profesori në veçanti falendëroi organizuesit e këtij aktiviteti në Izmir Revistën FJALA, kryesinë e shoqates
Kosova-rumeli, Kryetarin e Bashkisë se Karaballarit z. Sëtkë Kyrymin i cili
tregoi një interes të veçantë për Profesorin dhe punimet e tij, falendëroi z.
Qemal Dyzenli, z. Mustafa Dyzenli, znj. Shahbaz Gyler Dyzenli, drejtuesin e aktivitetit dhe përkthyesin
z. Sokol Brahaj, shqiptarin e madh të Izmirit z. Jusuf Sait, etj.
Profesor PLLANA edhe në Izmir tha se “në libër nuk janë përmendur emra
politikanësh, liderësh, qeverish. Njerëzit që ndodhen në rreth 500 fotografitë
që përmban libri, janë njerëz të thjeshtë të pafajshëm që janë përballur me
dhunë, tortura, plagosje, presion”. Më tutje ndër të tjera Profesor PLLANA
vijoi “duke i parë më nga afër këto
fotografi, mund të dallohet qartë urrejtja patologjike që është ushqyer kundër
kombit shqiptarë, se janë trashëguar këto ndjenja sadiste nga njëri brez në
tjetrin. Gjatë shfletimit të faqeve të librit do të shikoni fatkeqësisht
shqiptarë të rrahur, keqtrajtuar, të torturuar dhe vrarë para familjes, gra dhe
femra të përdhunuara, njerëz me kokë të prerë, të djegur të gjallë e shumë
pamje të tjera rrëqethëse, të cilat e përlotin njeriun kur i shikon. Ky libër
përmban një faktografi mbi krimet serbe të kryera në Kosovë për më shumë se një
shekull”.
Profesor PLLANËS ju bënë pyetje të shumta nga akademikë të
universiteteve të Izmirit, nga gazetarë, nga disa oficere të ushtrisë turke të
cilët kanë qënë me shërbim në operacionin e NATO’s dhe më vonë në Kosovë,
pyetje nga bashkëkombesit shqiptarë dhe miq turq që morën pjesë në këtë aktivitet. Pjesmarrësit
shprehen interes të madh ndaj Profesor PLLANËS dhe librave të tij.
Redaksia
“FJALA” Revista
Mujore Mbarëshqiptare www.revistafjala.com
13/06/2012 Izmir /
TURQI
Hiç yorum yok:
Yorum Gönder